Yangi “Santiago Bernabeu” ochilishi qachon o‘tkazilishi ma’lum bo‘ldi
Sport
−
19 aprel 2023 10395
Ispaniyaning “Real Madrid” klubi anchadan buyon o‘z uy arenasi “Santiago Bernabeu” stadionida qayta qurish ishlarini amalga oshirmoqda. Qurilish ishlari jadallik bilan olib borilyapti va katta ehtimol bilan joriy yilning dekabr oyida yangi “Santiago Bernabeu”ning ochilishi bo‘lib o‘tadi. Bu haqda “Marca” xabar berdi.
Hozirgi vaqtda “qirollik klubi” mazkur stadionda o‘z uy o‘yinlarini o‘tkazmoqda, biroq hali stadion tribunalarining barchasi foydalanishga topshirilmagan va yakuniga yetmagan rekonstruksiya ishlari mavjud.
Ma’lumot uchun, “Santiago Bernabeu” stadioni o‘z bag‘riga 82 mingga yaqin tomoshabinni sig‘dira oladi. Arena 1947 yilda bunyod etilgan. Stadionning dastlabki nomi “Nuyevo Estadio Chamartin” hisoblanadi. Keyinchalik stadion nomi 1943-1978 yillarda “Real Madrid” prezidenti sifatida faoliyat yuritgan Santiago Bernabeu nomi bilan atalgan.
Live
Barchasi
