Yangi bank ustav kapitalini oshirishning birinchi bosqichini yakunladi

Toshkent, 2025 yil 31 yanvar — Yangi bank AJ ustav kapitalini oshirish jarayonining birinchi bosqichi yakunlanganini ma’lum qildi. Ushbu qadam bankning moliyaviy barqarorligini yanada mustahkamlash va rivojlantirishga qaratilgan. Bank mazkur jarayon davomida odatdagi ish tartibida faoliyat yuritib, mijozlarga uzluksiz xizmat ko‘rsatish va barcha majburiyatlarni bajarishda davom etmoqda. Tez orada ustav kapitalini oshirish jarayoni to‘liq yakunlanadi.

2024 yil yakunlari: o‘sish va innovatsiyalar

O‘tgan yil davomida bank chakana biznes hamda kichik va o‘rta biznes (KO‘B) bilan ishlashda salmoqli natijalarga erishdi:

Chakana biznes

* Mobil ilova foydalanuvchilari soni 1,3 millionga yetdi.

* Yangi mahsulotlar, jumladan virtual kartalar joriy etildi.

* Mijozlarni qo‘llab-quvvatlash xizmati dam olish va bayram kunlarisiz 24/7 rejimida ishladi.

KO‘B va korporativ mijozlar bilan ishlash

* Bank xitoylik mehmonlar uchun WeChat Pay orqali to‘lovlarni qabul qilishni yo‘lga qo‘ygan mamlakatdagi birinchi va yagona bank bo‘ldi.

* Internet-bankda KO‘B uchun masofadan hisobvaraq ochish xizmati ishga tushirildi, bu biznesning bank xizmatlaridan foydalanishini sezilarli darajada osonlashtiradi.

* Mijozlar bilan bog‘liq barcha operatsiyalar to‘liq onlayn tarzda amalga oshirilmoqda.

* Biznes uchun qulay moliyalashtirish yechimi sifatida faktoring xizmati ommalashtirildi.

* Xalqaro faoliyat kengaytirildi — endi bank mijozlari 63 mamlakatdagi hamkorlar bilan hisob-kitoblarni amalga oshirishlari mumkin.

Bank yangi texnologiyalarni joriy etish va mijozlarga xizmat ko‘rsatish sifatini oshirish orqali barqaror rivojlanishda davom etmoqda.

Reklama huquqi asosida