Yana o‘sha ssenariy: Ozarbayjon armiyasi o‘qqa tutilganini aytdi. Armaniston rad etmoqda
Olam
−
17 iyun 2023 3723
Bugun, 17 iyun kuni Ozarbayjon armiyasining Kedabek, Kelbajar va Lochin yo‘nalishlarida joylashgan bo‘linmalari Armaniston qurolli kuchlarining qarama-qarshi pozitsiyalardagi bo‘linmalari tomonidan turli kalibrli o‘q o‘qotar qurollardan intensiv o‘qqa tutilmoqda. Bu haqda Ozarbayjon Mudofaa vazirligi xabar berdi.
“Ozarbayjon armiyasi ushbu hududlarning barchasida tegishli javob choralarini ko‘rmoqda. Operativ vaziyat bo‘linmalarimiz tomonidan to‘liq nazorat ostida”, deyiladi xabarda.
O‘z navbatida Armaniston Mudofaa vazirligi Ozarbayjon tomonidan tarqatilgan xabarni dezinformatsiya deb atagan.
Eslatib o‘tamiz, avvalroq Rossiya tinchlikparvar kuchlari hamrohligida bayroq o‘rnatayotgan Ozarbayjon askarlari Armaniston chegarachilari tomonidan o‘qqa tutilgandi. Hodisa oqibatida bir nafar Ozarbayjon askari yaralangan.
Live
Barchasi
