Yamal Mbappening rekordini yangiladi

“Barselona” yarim himoyachisi Lamin Yamal 20 yoshgacha bo‘lgan futbolchilar o‘rtasida Chempionlar ligasida gol + pass bo‘yicha Mbappening rekordini yangiladi. Bu haqda “Opta” portali xabar berdi.

19 yoshli ispaniyalik qanot hujumchisi “Feyenoord”ga qarshi uchrashuvda (5:1) ikkita golli uzatma amalga oshirdi va bir marta raqiblar darvozasini ishg‘ol qildi.

Ushbu natijadan so‘ng Yamalning Chempionlar ligasidagi hisobi 12 ta gol va 11 ta golli uzatmaga yetdi. U 23 ta golli harakat bilan musobaqa tarixida 20 yoshga to‘lmagan futbolchilar orasida eng yaxshi natija qayd etdi.

Avvalroq “Barselona” yetakchisi mazkur ko‘rsatkich bo‘yicha “Real Madrid” hujumchisi Kilian Mbappe bilan birga birinchi o‘rinni egallab turgan edi. Fransiyalik futbolchi 20 yoshga to‘lguniga qadar 20 ta gol va golli uzatma qayd etgan. Biroq Mbappening hozirgi ko‘rsatkichi 27 ta golli harakatdan iborat bo‘lib, Yamal esa o‘z rekordini yanada yaxshilash imkoniyatiga ega.

Shuningdek, Lamin Yamal va “Manchester Siti” hujumchisi Erling Xoland ayni vaqtda dunyoning eng qimmat futbolchilari hisoblanadi. Har ikki futbolchining transfer qiymati 220 million yevro deb baholangan.

Ma’lumot uchun, “Barselona” yangi mavsumdagi dastlabki beshta uchrashuvida, jumladan, Ispaniya chempionatida ham 22 ta gol urdi. Bu kataloniyaliklar uchun 1950 yildan buyon ilk bor qayd etilgan natija bo‘ldi.