Vazirlar Mahkamasi ayrim davlatlar uchun Rossiyada yuk tashishga javoban taqiq joriy qildi

Rossiya hukumati Yevropa Ittifoqi mamlakatlari, Norvegiya, Ukraina va Buyuk Britaniya va Shimoliy Irlandiya Birlashgan Qirolligi kompaniyalari uchun mamlakat bo‘ylab avtomobil yuklarini tashishni taqiqladi. Tegishli farmonni Rossiya Bosh vaziri Mixail Mishustin imzoladi. 

Bugun, 1 oktyabr kuni rasmiy huquqiy axborot portalida e’lon qilingan hujjatda ta’kidlanishicha, taqiq ushbu davlatlar tomonidan Rossiya yuk tashuvchilariga qo‘ygan cheklovlarga javoban joriy qilinmoqda. Farmon 10 oktyabrdan kuchga kiradi va joriy yilning 31 dekabrigacha amal qiladi. 

Hujjatda ta’kidlanishicha, taqiq ikki tomonlama va tranzit tashishlarga taalluqlidir. 

Shu bilan birga, tashish uchun ushbu cheklov qo‘llanilmaydigan bir qator tovarlar taqdim etiladi. Ular orasida har xil turdagi oziq-ovqat, tayyor mahsulotlar, ingrediyentlar, shuningdek, nooziq-ovqat tovarlari mavjud. 

Taqiq go‘sht, baliq, sut, ayrim turdagi sabzavot va qandolat mahsulotlari, kakao, don mahsulotlari, alkogol, o‘g‘itlar, farmatsevtika mahsulotlari, kontratseptiv vositalar, qog‘oz va kartonni o‘z ichiga olgan tovarlar ro‘yxatiga taalluqli bo‘lmaydi. 

Bundan tashqari, soatlar, musiqa asboblari, yadro reaktorlari, kino va ovoz yozish uskunalari ham taqiq ostida emas.