“O‘ztransgaz” raisiga yangi o‘rinbosar tayinlandi
Jamiyat
−
30 Sentabr 5796
Behzod Bahodir o‘g‘li Sobirov “O‘ztransgaz” AJ Boshqaruv raisining qurilish va transport bo‘yicha o‘rinbosari etib tayinlandi. Bu haqda Energetika vazirligi xabar berdi.
2023 yilning oktyabr oyida Vazirlar Mahkamasining qarori bilan Behzod Sobirov O‘zbekiston Respublikasi Energetika vazirligi huzuridagi Elektr energiyasi, neft mahsulotlari va gazdan foydalanishni nazorat qilish inspeksiyasi – “O‘zenergoinspeksiya” boshlig‘i o‘rinbosari etib tayinlangandi. U joriy tayinlovga qadar ushbu lavozimda faoliyat yuritayotgandi.
Eslatib o‘tamiz, avvalroq Askar Isoqov “O‘ztransgaz” aksiyadorlik jamiyati boshqaruvi raisi vazifasini vaqtincha bajaruvchi etib tayinlangandi. Isoqov bunga qadar Energetika vazirligi huzuridagi Elektr energiyasi, neft mahsulotlari va gazdan foydalanishni nazorat qilish inspeksiyasi boshlig‘i o‘rinbosari lavozimida faoliyat yuritib kelayotgan edi.
Live
Barchasi