O‘zbekistonlik o‘smir bokschilar Jahon chempionatida 3-o‘rinni egalladi

Joriy yilning 24 noyabridan 4 dekabriga qadar Armaniston poytaxti Yerevan shahrida, o‘smir bokschilar o‘rtasida Jahon chempionati o‘tkazildi. Musobaqada ishtirok etgan O‘zbekiston vakillari umumjamoa hisobida 3-o‘rinni qo‘lga kiritdi.

O‘zbekiston jamoasi umumiy 11 ta ,  4 ta oltin, 3 kumush va 4 ta bronza medaliga ega chiqdi.

Umumjamoa hisobida 1-o‘rin Rossiya vakillariga nasib etdi. Rus sportchilari 7 ta oltin, 2 ta kumush va 7 ta bronza medalni jamg‘ardi. Mezbon davlat vakillari esa 2-o‘rinni band etdi. Armanistonlik bokschilar 4 ta oltin, 5 ta kumush va 1 ta bronza medaliga loyiq ko‘rildi.

O‘zbekistonlik sovrindorlar ro‘yxati:

Oltin medal:

1. -57 kg Sevara Mamatova;
2. +80 kg Sobiraxon Shahobiddinova;
3. -60 kg Firuzjon Sa’dullayev; 
4. +80 kg Islom Solihov.

Kumush medal:

1. -46 kg Maftuna Musurmonova;
2. -75 kg Maftuna Yangiyeva;
3.  -63 kg Hikmatillo O‘lmasov.

Bronza medal: 

1. -46 kg Abdurahmon Mahmudjonov;
2. -66 kg Akbar Ahmadov;
3. -50 kg Husan Qahhorov;
4. -70 kg Norbek Abdullayev.