O‘zbekistonlik bokschilar xalqaro turnirda peshqadam bo‘ldi

Joriy yil 22 maydan 1 iyungacha Tailandning Bangkok shahrida bo‘lib o‘tgan “Thailand Open” xalqaro turnirida medallar jamg‘arish bo‘yicha umumjamoa hisobida peshqadamga aylandi. Bu haqda QALAMPIR.UZ manbasi xabar berdi.

So‘nggi final bahslaridan so‘ng o‘zbekistonlik bokschilar 5 ta oltin, 4 kumush va 7 ta bronza medallarini qo‘lga kiritdi. Jami medallar soni 16 ta.

Ikkinchi o‘rinni esa 5 ta oltin, 2 ta kumush, 5 ta bronza bilan qo‘shni Qozog‘iston jamoasi qayd etdi. Mezbon tailandliklar esa 12 ta medal kuchli uchlikka yakun yasagan (3 ta oltin, 5 ta kumush, 4 ta bronza).

O‘zbekistonlik g‘olib va sovrindorlar quyidagilar:

Oltin medal:

• -50 kg: Shodiyorjon Meliqo‘ziyev;
• -55 kg: Faryozbek Do‘smatov;
• -85 kg: Nusratbek Tohirov;
• -48 kg: Farzona Fozilova;
• -75 kg: Aziza Zokirova.

Kumush medal:

• -70 kg: Muhammadazizbek Ismoilov;
• -75 kg: Javohir Abdurahimov;
• -51 kg: Sabina Boboqulova;
• -54 kg: Feruza Kazakova.

Bronza medal:

• -60 kg: Madiyor Doniyorov;
• -80 kg: Samandar Jalolov;
• -90 kg: Elyorbek Jo‘raboyev;
• +90 kg: Abdurahmon Rustamov;
• -57 kg: Nigina O‘ktamova;
• -65 kg: Navbahor Hamidova;
• -70 kg: Oysha Toirova;