O‘zbekistonlik atlet Jahon chempionati sovrindori bo‘ldi

O‘zbekiston terma jamoasi para pauerlifting bo‘yicha kattalar o‘rtasidagi Jahon chempionatida navbatdagi medallariga ega chiqdi. Xususan, Nasiba Toshpo‘latova 2 ta bronza medalini qo‘lga kiritdi.

Misrning Qohira shahri mezblonligidagi musobaqada ayollar o‘rtasida 45 kg vazn toifasidagi bahslarda ishtirok etgan Nasiba Toshpo‘latova A finalida muvaffaqiyatli qatnashib, 2 ta bronza medalini o‘ziniki qilgan.

Ayollar, 45 kg:

• Guo Lingling (Xitoy) – (eng yaxshi ko‘rsatkich: 125 kg; umumiy: 368 kg)
• Tululup Ogundoli (Nigeriya) – (eng yaxshi ko‘rsatkich: 112 kg; umumiy: 330 kg)
• Nasiba Toshpo‘latova (O‘zbekiston) – (eng yaxshi ko‘rsatkich: 111 kg; umumiy: 325 kg).

Ayni damda O‘zbekiston terma jamosi hisobidagi medallar soni 4 tani tashkil etmoqda: 2 ta kumush va 2 ta bronza. Musobaqa davom etmoqda.

Eslatib o‘tamiz, avvalroq Norvegiyaning Fyorde shahrida o‘tgan og‘ir atletika bo‘yicha Jahon chempionatida o‘zbekistonlik sportchi Akbar Jo‘rayev dast ko‘tarishda jahon rekordini o‘rnatgani haqida xabar berilgandi.