O‘zbekistonga koronavirusga qarshi yana 3 million doza vaksina keltirildi

Bugun, 22 avgust kuni Xitoydan O‘zbekiston olimlari bilan hammualliflikda tayyorlangan koronavirusga qarshi ZF-UZ-VAC 2001 vaksinasidan yana 3 million doza olib kelindi. Bu haqda Sog‘liqni saqlash vazirligi xabar berdi.  

Bundan avval ZF-UZ-VAC2001 ning:

• 27 martda — 1 million doza;
• 27 aprelda — 1 million doza;
• 18 mayda —  1 million doza;
• 19 mayda —  500 ming doza;
• 10 iyunda — 1 million doza;
• 29 iyunda — 1 million doza;
• 30 iyunda — 1 million doza;
• 20 iyulda — 1 million doza; 
• 21 iyulda — 1 million doza;
• 5 avgustda — 1 million doza;
• 6 avgustda — 1 million doza partiyalari keltirilgan.

Shunday qilib, O‘zbekistonga keltirilgan jami vaksina 17 million 856 ming 540 dozani tashkil qilmoqda.

Ulardan: 

• 370 000 dozasi "Sputnik V", 
• 986 480  dozasi AstraZeneca,
• 13 500 000 million dozasi ZF-UZ-VAC2001,
• 3 000 060 dozasi Moderna vaksinasidir.

Eslatib o‘tamiz, shu kunga qadar 12 million 750 ming 44 doza vaksina emlash jarayonlarida foydalanildi. 

Shuningdek, shu kungacha koronavirusga qarshi to‘liq emlangan fuqarolar 1 million 479 ming 304 nafarni tashkil qilmoqda.