O‘zbekistonga Qozog‘istondan salqin havo oqimi kirib kelishi kutilmoqda
Bu qiziq
−
01 may 2023 24321 1 daqiqa
O‘zbekistonga hafta davomida Qozog‘istondan kuchsiz salqin havo oqimi kirib kelishi kutilmoqda. Bu haqda "O‘zgidromet" matbuot xizmati xabar berdi.
Ma’lum qilinishicha, ish haftasi davomida Qozog‘iston hududlaridan O‘zbekistonga nisbatan kuchsiz salqin havo oqimi kirib kelishi hisobiga harorat biroz pasayadi. Respublika bo‘yicha yog‘ingarchiliksiz ob-havo saqlanib turadi, faqat 4 may kuni respublikaning shimoliy hududlari bo‘yicha biroz qisqa muddatli yomg‘ir yog‘ishi, momaqaldiroq bo‘lishi mumkin.
Seshanba va chorshanba kunlari shimolda va cho‘l hududlarda, payshanba va juma kunlari esa respublika bo‘yicha shamol tezligi 15-18 m/s gacha kuchayadi, shimolda va cho‘l hududlarda 4 va 5 may kunlari 20-23 m/s gacha kuchayishi mumkin.
Hafta davomida harorat barqaror bo‘lishi kutilmoqda. Kunduzi harorat 25-30 daraja atrofida bo‘ladi.
