O‘zbekistonda yangi sport tashkiloti ish boshlaydi (video)

O‘zbekistonda 2025 yildan O‘zbekiston futzal federatsiyasi ish boshlaydi. Bu haqda federatsiya tomonidan bugun, 25 dekabr kuni o‘tkazilayotgan taqdimot marosimida ma’lum qilindi.

Qayd etilishicha, 2025 yildan e’tiboran faoliyatini boshlaydigan O‘zbekiston futzal federatsiyasi prezidenti etib Bekzod Akmalovich Mamatqulov nomzodi ma’qullangan.  

Shuningdek, Aziz Akbarjonov vitse-prezident etib saylangan. Ma’rufjon Abdullayev esa bosh kotib lavozimini egallagan.

Tadbirda O‘zbekiston futbol assotsiatsiyasi prezidenti Abdusalom Azizov so‘zga chiqib, davlat rahbari tomonidan futbolga, xususan futzalga katta e’tibor berilayotganini aytib o‘tgan. FIFA tomonidan Jahon chempionati O‘zbekistonga ishonib topshirilgani va musobaqa yuqori saviyada tashkil etilganini qayd etgan. 

“Jamoamiz musobaqada muvaffaqiyatsiz ishtirok etdi. Bu esa futzalni rivojlantirish va yangi bosqichga olib chiqish zarur ekanligini ko‘rsatib berdi. Mazkur masala assotsiatsiyada ko‘p marotaba o‘rganib chiqildi”, dedi O‘FA rahbari.