O‘zbekistonda koronavirusga chalinganlar soni 3200 nafarga yaqinlashdi

O‘zbekistonda yangi turdagi koronavirus COVID-19 infeksiyasiga chalingan yana 9 nafar bemor aniqlandi. Bu haqda Sog‘liqni saqlash vazirligi xabar bermoqda.

2020 yil 25 may soat 16:30 holatiga ko‘ra, O‘zbekistonda koronavirus infeksiyasi qayd etilganlar soni 3189 nafarni tashkil etmoqda. 
 
Yangi kasallanish holatlarining 2 nafari Qoraqalpog‘iston Respublikasida, 5 nafari Toshkent viloyatida, 1 nafari esa Toshkent shahrida aniqlanib, ularning 6 nafari xalqaro yuk tashuvchi avtomashina haydovchilari, 2 nafari esa koronavirusga chalinganlar bilan muloqotda bo‘lib kasallikni yuqtirib olishgan. Qolgan 1 nafari esa Karantin markazidagi fuqarolar orasida qayd etilgan. 

Ayni paytda 2607 (+42) nafar koronavirus infeksiyasiga chalingan fuqarolar butunlay sog‘aygan. 

Hozirda mamlakatda 569 nafar bemorga shifokorlarimiz tomonidan belgilangan standartlar bo‘yicha davo choralari ko‘rilmoqda.