O‘zbekistonda kambag‘allikni kimlar qisqartirishi aniq bo‘ldi

Prezident qarori bilan kambag‘allikni qisqartirish vazirligida 10 nafar mulozim lavozimli bo‘ldi. Bu haqda O‘zA yozdi.

Ular:

• Erkin Muxitdinov kambag‘allikni qisqartirish va bandlik vazirining o‘rinbosari lavozimiga;
• Jamshid Abruyev kambag‘allikni qisqartirish va bandlik vazirining o‘rinbosari lavozimiga;
• Ra’no Turdiboyeva kambag‘allikni qisqartirish va bandlik vazirining o‘rinbosari lavozimiga (avval Oila va hotin-qizlar davlat qo‘mitasi raisining o‘rinbosari edi);
• Mirzoxid Ubaydullayev Kambag‘allikni qisqartirish va bandlik vazirligi huzuridagi Mahallabay ishlash va tadbirkorlikni rivojlantirish agentligi direktori lavozimiga;
• Ozoda Parpibayeva Kambag‘allikni qisqartirish va bandlik vazirligi huzuridagi Oila va hotin-qizlar qo‘mitasi raisi lavozimiga tayinlandi.

Shuningdek, bir nechta mansabdorlar boshqa ishga o‘tishi munosabati bilan lavozimidan ozod etildi.

Ular:

• Baxodir Umurzakov boshqa ishga o‘tishi munosabati bilan bandlik va mehnat munosabatlari vazirining o‘rinbosari lavozimidan;
• Sodiqjon Turdiyev boshqa ishga o‘tishi munosabati bilan mahalla va nuroniylarni qo‘llab-quvvatlash vazirining birinchi o‘rinbosari lavozimidan;
• Abdulla Tursunov boshqa ishga o‘tishi munosabati bilan mahalla va nuroniylarni qo‘llab-quvvatlash vazirining o‘rinbosari lavozimidan;
• Muxtar Muxitdinov boshqa ishga o‘tishi munosabati bilan mahalla va nuroniylarni qo‘llab-quvvatlash vazirining o‘rinbosari lavozimidan;
• Nodira Egamberdiyeva boshqa ishga o‘tishi munosabati bilan Oila va hotin-qizlar davlat qo‘mitasi raisining o‘rinbosari lavozimidan ozod etildi.

Eslatib o‘tamiz, avvalroq 1,5 trln so‘m eng og‘ir mahallalardagi kambag‘allikni qisqartirish uchun yo‘naltirilishi haqida xabar bergan edik.