Ўзбекистонда камбағалликни кимлар қисқартириши аниқ бўлди

Президент қарори билан камбағалликни қисқартириш вазирлигида 10 нафар мулозим лавозимли бўлди. Бу ҳақда ЎзА ёзди.

Улар:

• Эркин Мухитдинов камбағалликни қисқартириш ва бандлик вазирининг ўринбосари лавозимига;
• Жамшид Абруев камбағалликни қисқартириш ва бандлик вазирининг ўринбосари лавозимига;
• Раъно Турдибоева камбағалликни қисқартириш ва бандлик вазирининг ўринбосари лавозимига (аввал Оила ва ҳотин-қизлар давлат қўмитаси раисининг ўринбосари эди);
• Мирзохид Убайдуллаев Камбағалликни қисқартириш ва бандлик вазирлиги ҳузуридаги Маҳаллабай ишлаш ва тадбиркорликни ривожлантириш агентлиги директори лавозимига;
• Озода Парпибаева Камбағалликни қисқартириш ва бандлик вазирлиги ҳузуридаги Оила ва ҳотин-қизлар қўмитаси раиси лавозимига тайинланди.

Шунингдек, бир нечта мансабдорлар бошқа ишга ўтиши муносабати билан лавозимидан озод этилди.

Улар:

• Баходир Умурзаков бошқа ишга ўтиши муносабати билан бандлик ва меҳнат муносабатлари вазирининг ўринбосари лавозимидан;
• Содиқжон Турдиев бошқа ишга ўтиши муносабати билан маҳалла ва нуронийларни қўллаб-қувватлаш вазирининг биринчи ўринбосари лавозимидан;
• Абдулла Турсунов бошқа ишга ўтиши муносабати билан маҳалла ва нуронийларни қўллаб-қувватлаш вазирининг ўринбосари лавозимидан;
• Мухтар Мухитдинов бошқа ишга ўтиши муносабати билан маҳалла ва нуронийларни қўллаб-қувватлаш вазирининг ўринбосари лавозимидан;
• Нодира Эгамбердиева бошқа ишга ўтиши муносабати билан Оила ва ҳотин-қизлар давлат қўмитаси раисининг ўринбосари лавозимидан озод этилди.

Эслатиб ўтамиз, аввалроқ 1,5 трлн сўм энг оғир маҳаллалардаги камбағалликни қисқартириш учун йўналтирилиши ҳақида хабар берган эдик.