O‘zbekistonda ilk bor “Amir Temur jangovar bayrog‘i” topshirildi

Bugun, 13 yanvar kuni Prezident Administratsiyasida harbiy xizmatchilarni va soha faxriylariga yuksak mukofotlar topshirildi.

O‘zbekiston Prezidenti Farmoniga muvofiq, mamlakat Qurolli Kuchlari tashkil etilganining 31 yilligi hamda Vatan himoyachilari kuni munosabati bilan harbiy xizmatchilar va huquqni muhofaza qilish organlarining bir guruh xodimlari harbiy unvonlar, orden va medallar bilan mukofotlangan edi.

O‘zbekiston Qurolli Kuchlar Oliy Bosh Qo‘mondoni Shavkat Mirziyoyev barcha harbiy xizmatchilarni va soha faxriylarini mazkur sana bilan tabrikladi va mukofotlarni topshirdi.

Bu yilgi tantanali tadbir yana jihati bilan esda qolarli bo‘ldi — Prezidentimiz tashabbusi bilan “Amir Temur jangovar bayrog‘i” mukofoti ta’sis etildi. Bu borada o‘tkazilgan tanlovda Markaziy harbiy okrug g‘olib bo‘ldi.

Marosimda ushbu okrug qo‘mondoniga ilk bor “Amir Temur jangovar bayrog‘i” tantanali ravishda topshirildi.