O‘zbekistonda eng arzon osh qayerda sotiladi?

O‘zbekistonda may oyida hududlar kesimi bo‘yicha eng arzon osh Namangan viloyatida, eng qimmati esa Toshkent shahrida qayd etilgan. Bu haqda O‘zbekiston Respublikasi Prezidenti huzuridagi Statistika agentligi xabar berdi. 

Statistika agentligi tomonidan hududlardagi osh markazlarida sotilayotgan 1 porsiya palovning o‘rtacha narxlari (2024 yil may oyi uchun):

• Qoraqalpog‘iston Respublikasi – 24 300 so‘m;
• Andijon viloyati – 24 600 so‘m;
• Buxoro viloyati – 28 600 so‘m;
• Jizzax viloyati –26 200 so‘m;
• Qashqadaryo viloyati – 27 900 so‘m;
• Navoiy viloyati – 24 400 so‘m;
• Namangan viloyati – 19 900 so‘m;
• Samarqand viloyati – 27 300 so‘m;
• Surxondaryo viloyati – 25 800 so‘m;
• Sirdaryo viloyati – 23 500 so‘m;
• Toshkent viloyati – 25 400 so‘m;
• Farg‘ona viloyati – 23 300 so‘m;
• Xorazm viloyati – 27 600 so‘m;
• Toshkent shahri – 30 200 so‘m.

Qayd etilishicha, narxlarni ro‘yxatga oluvchi tomonidan kuzatuv o‘tkazilgan kun va vaqtdagi narx-navo  qayd  etilib,  bunda  vaqt va  joyiga  qarab  narxlar  o‘zgarib  turadi. Mazkur ma’lumotlarning  shakllanishi  jarayonida  faqatgina  tanlab  olingan umumiy ovqatlanish  muassasalari  (Osh  markazlari)dagi  palovning  o‘rtacha narxlari hisobga olingan bo‘lib, restoran va choyxonalardagi narxlar inobatga olinmagan.

Ta’kidlanishicha, palov  narxlarini  ro‘yxatga  olish  uchun  umumiy  ovqatlanish muassasalari tanlovi har yili yanvar oyida yangilanadi. Narxlar o‘zgarishini ob’ektiv baholash maqsadida yangi kuzatilgan ob’ektning o‘tgan davr uchun narx darajasi ham qayd etiladi.

Habib Jo‘raboyev