O‘zbekistonda dam olish kunlari ob-havo qanday bo‘ladi?

O‘zgidromet dam olish kunlari kuzatiladigan ob-havo ma’lumotini e’lon qildi. 

Qayd etilishicha, O‘zbekiston hududiga 20-22 mart kunlari nam O‘rta yer dengizi havosi kirib keladi. Respublika bo‘yicha vaqti-vaqti bilan yomg‘ir yog‘adi, 20-21 mart kunlari ba’zi joylarda kuchli bo‘ladi, ayrim joylarda momaqaldiroq bo‘lishi mumkin.

Bugun 20 martda respublikaning ko‘pchilik hududlarida juda iliq ob-havo saqlanib turadi. Havo harorati 19-24 daraja iliq atrofida, janubda harorat 27-29 darajagacha yetadi.

21-22 mart kunlari harorat asta-sekin pasayadi, 22 mart kuniga kelib 10-15 daraja bo‘ladi.

20-21 martda ba’zi joylarda shamol tezligi 25-28 m/s gacha kuchayishi kutilmoqda, chang-to‘zonlar bilan kuzatilishi mumkin.

23-24 mart kunlari O‘zbekistonning barcha hududida yog‘ingarchiliksiz  ob-havo bo‘lishi kutilmoqda. Harorat kechalari salqinroq 5-8 daraja iliq atrofida bo‘ladi, kunduz kunlari esa harorat yana ko‘tarila boshlaydi va 17-20 daraja iliqni, ba’zi joylarda 22 daraja iliqqacha bo‘ladi.

Respublikaning tog‘oldi va tog‘li hududlarida 20-22 mart kunlari sel-suv toshqin hodisalari yuzaga kelishi mumkin. Tog‘larda qor ko‘chishi xavfi saqlanib turadi.

Toshkent shahrida 20 martda kechga tomon va 21-22 mart kunlari vaqti-vaqti bilan yomg‘ir yog‘adi, momaqaldiroq bo‘lishi mumkin. 

21 martda shamol tezligi 15-17 m/s gacha kuchayishi mumkin.

Shuningdek, harorat bugun kunduzi 21-23 daraja, 21 martda 15-17 daraja, 22 martda 12-14 daraja iliq bo‘ladi. Harorat asosan kechalari 9-12 daraja bo‘ladi.

23-24 mart kunlari yog‘ingarchilik kutilmaydi. Harorat kechalari 6-8 daraja, kunduz kunlari 17-20 daraja bo‘ladi.

Rayhona Ulkanboyeva