O‘zbekistonda chaqaloqlar savdosini gurkiratayotgan sabablar ma’lum qilindi

O‘zbekistonda chaqaloq savdosiga avjiga chiqqan ayni damlarda bunga sabab bo‘layotgan asosiy omillar haqida ma’lumot berildi. 

O‘zbekiston Respublikasi Ichki ishlar vazirligi huzuridagi  Tergov departamenti mas’ul xodimi Nargiza Hojiboyeva 2017-2020 yillarda o‘tkazilgan tezkor tadbirlar doirasida O‘zbekistonda chaqaloq savdosi bilan bog‘liq 185ta holat aniqlangan.

Mas’ulning qayd etishicha, mamlakatda chaqaloqlar savdosiga quyidagi omillar sabab bo‘lmoqda:

•    bolaning onasi ijtimoiy himoyalanmagani va moddiy ehtiyojlari ta’minlanmaganligi; 

•    turmushga chiqmagan ayollar homilador ekani hamda chaqaloqni oilasidan yashirishga urinishi; 

•    farzand ko‘rmagan oilalar tomonidan chaqaloq asrab olishga ehtiyoj mavjudligi; 

•    chaqaloq savdosining oldini olishga qaratilgan mukammal huquqiy asosning yo‘qligi.

“Chaqaloq savdosi bilan bog‘liq jinoyatlarning aksariyati xotin-qizlar tomonidan sodir etilayotgani juda ayanchli holat. Ushbu jinoyatga qo‘l urgan xotin-qizlarning ijtimoiy holati o‘rganilganda, ularning ko‘pchiligi bugun og‘ir turmush sharoitida va moddiy qiyinchilikda yashayotgani, ijtimoiy qo‘llab-quvvatlash hamda psixologik yordamga muhtojligi aniqlandi”, deydi Nargiza Hojiboyeva.