O‘zbekistonda ayrim nafaqa miqdorlari oshirildi

Prezidentning joriy yil 31 yanvardagi PF-24-son farmoni bilan ayrim hujjatlarga o‘zgartirishlar kiritildi.

Farmonga ko‘ra, 2024 yil 1 fevraldan quyidagi nafaqalar miqdori 621 ming so‘m etib belgilandi:

- zarur ish stajiga ega bo‘lmagan keksa fuqarolarga nafaqa;
- ish staji to‘liq bo‘lmagan chog‘dagi yoshga doir pensiyaning eng kam miqdori qo‘shimcha to‘lovni hisobga olgan holda;
- o‘zgalar parvarishiga muhtoj nogironligi bo‘lgan 18 yoshgacha bolalarning parvarishi bilan band bo‘lgan bolaning qonuniy vakiliga nafaqa;
- boquvchisini yo‘qotganlik nafaqasi oluvchilarning bir nafar mehnatga qobiliyatsiz oila a’zosi uchun nafaqa (keyingi har bir mehnatga qobiliyatsiz oila a’zosi uchun — 212 000 so‘m);
- boquvchisini yo‘qotganlik pensiyasi oluvchilarning bir nafar mehnatga qobiliyatsiz oila a’zosi uchun pensiyaning eng kam miqdori.

Ma’lumot uchun, mazkur miqdorlar rasmiy eng kam iste’mol xarajatlaridan kelib chiqib belgilangan.