O‘zbekistonda 3 kunda salkam 24 ming kishi koronavirusga qarshi emlandi
Jamiyat
−
04 aprel 2021 3703
Kecha, 3 aprel – vaksinatsiyaning uchinchi kunida Toshkent va Nukus shaharlari hamda viloyat markazlaridan jami 9551 nafar fuqaro emlandi. Bu haqda Sanitariya-epidemiologiya xizmati xabar berdi.
Vaksina olganlarning 3441 nafarini 65 yoshdan yuqori fuqarolar va 6110 nafarini tibbiyot xodimlari tashkil qilgan.
3 aprel kunidagi emlash ko‘rsatkichlari bo‘yicha yuqori o‘rinlarni:
- Toshkent shahri (2105 nafar);
- Namangan viloyati (1189 nafar);
- Buxoro viloyati (1166 nafar);
- Andijon viloyati (1083 nafar);
- Toshkent viloyati (844 nafar) band qilgan.
Eslatib o‘tamiz, joriy yilning 1 aprel kuni 5018 nafar, 2 aprel kuni 9211 nafar fuqaro emlangan edi.
Emlash jarayonlari davom etadi.
Live
Barchasi