O‘zbekistonda hafta davomida kutilayotgan ob-havo haqida ma’lumot berildi

Bugun, 9 mart kuni O‘zbekistonda juda iliq va quruq ob-havo bo‘lishi kutilmoqda. Hududlarning ko‘p qismida kunning o‘rtasiga kelib, havo 20-22° iliqgacha isiydi. Faqat Kavkaz hududlaridan shimoliy hududlarga bulutli massivlar kiradi, bunda Qoraqalpog‘istonda, Xorazm viloyatida ba’zi joylarda biroz yomg‘ir yog‘ishi mumkin va havo harorati 9-14° iliq atrofida bo‘ladi. Bu haqda Gidrometeorologiya xizmati markazi xabar berdi.

Ertaga, 10 mart kuni frontal zona o‘tishida ba’zi joylarda yomg‘ir yog‘adi, momaqaldiroq bo‘lishi mumkin. Faqat Qoraqalpog‘iston Respublikasi va Xorazm viloyatida yog‘ingarchiliksiz ob-havo bo‘lishi kutilmoqda. Havo harorati kechasi 7-12° iliq, kunduzi 10-15° iliq bo‘ladi.

Payshanba kuni respublika hududining ko‘p qismida yomg‘ir kuzatilmaydi, faqat Surxondaryo, Andijon, Namangan, Farg‘ona viloyatlarida ba’zi joylarda yomg‘ir yog‘adi, Toshkent viloyatida ba’zi joylarda kechasi va ertalab biroz yomg‘ir yog‘adi. Havo harorati 12-17° iliq atrofida bo‘ladi.

Juma kuni O‘zbekiston hududining ko‘p qismida quruq va iliq ob-havo bo‘lishi kutilmoqda. Havo harorati kunduz kuni 20-22° iliqgacha ko‘tariladi. Faqat shimoliy hududlarda ob-havo o‘zgarishni boshlaydi. Qoraqalpog‘istonda, Xorazm viloyatida ba’zi joylarda yomg‘ir yog‘ishi, momaqaldiroq bo‘lishi mumkin. Havo harorati shimoliy hududlarda 2-7° iliqgacha pasayadi.

O‘zbekistonning tog‘li hududlarida ushbu davrga qor ko‘chishi xavfi saqlanib turadi, ehtiyot bo‘ling!