O‘zbekiston va Qirg‘izistonni bog‘lovchi yashirin yo‘llar topildi (video)
Jamiyat
−
10 Fevral 2023 20502 1 daqiqa
Andijon viloyatining Qo‘rg‘ontepa tumanida Qirg‘iziston Respublikasidan noqonuniy olib o‘tuvchi yer osti yo‘llari aniqlandi. Bu haqda Davlat xavfsizligi xizmati xabar berdi.
Qayd etilishicha, joriy yilning 3-9 fevral kunlari Qirg‘iziston Respublikasi O‘sh viloyati Qora-Suu tumani hududidan O‘zbekiston Respublikasi Davlat chegarasi orqali Andijon viloyati Qo‘rg‘ontepa tumani hududiga olib kiruvchi, har birining eni 60 sm, balandligi 1,5 metr, uzunligi taxminan 150-200 metrli ikkita yer osti yo‘llari mavjudligi aniqlandi.
“Hozirgi vaqtda ushbu holatlar yuzasidan Jinoyat kodeksining 223-moddasi bilan qo‘zg‘atilgan jinoyat ishi doirasida surishtiruv ishlari olib borilmoqda”, deyiladi xabarda.
Live
Barchasi