O‘zbekiston matbuot erkinligi reytingida pastladi

“Chegara bilmas muxbirlar” (Reporters Without Borders) xalqaro nodavlat tashkiloti tomonidan tuzilgan matbuot erkinligi reytingida O‘zbekiston o‘tgan yilgiga nisbatan bir pog‘ona pastlab, 157-o‘rinni egalladi.

2020 yilda O‘zbekiston ushbu reytingda to‘rt pog‘ona yuqorilab, 156-o‘rinni egallagan edi.

Markaziy Osiyo davlatlaridan Qirg‘iziston 79-o‘rinni, Qozog‘iston 155-o‘rinni, Tojikiston 162-o‘rinni, Turkmaniston 178-o‘rinni band qilgan.

Shuningdek, Norvegiya ushbu reytingda ketma-ket beshinchi yil birinchi o‘rinni egallamoqda. Undan keyi Finlyandiya (2-o‘rin), Shvetsiya (3-o‘rin), Daniya (4-o‘rin) va Kosta-Rika (5-o‘rin) joy olgan.

Qolaversa, sobiq ittifoq tarkibida bo‘lgan davlatlar orasida yetakchilikni 15-o‘rin bilan Estoniya egallagan, Rossiya ushbu reytingda 150-o‘rin bilan kifoyalangan.

E’slatib o‘tamiz, avvalroq O‘zbekiston 78 mamlakat orasida 73-o‘rinni egallab, birinchi marta dunyoning eng yaxshi mamlakatlari reytingiga kiritilgani xaqida xabar bergandik. Reyting Amerikaning U.S. News & World Report jurnalida  e’lon qilgan.

Sardor To‘lanboyev