O‘zbekiston benzin importini 3,2 baravar oshirdi
Jamiyat
−
04 Oktabr 2021 10487
Joriy yilning yanvar-avgust oylarida O‘zbekistonga qiymati 100 million AQSH dollariga teng bo‘lgan 281,6 million litr avtomobil benzini import qilingan. Bu haqda Davlat statistika qo‘mitasi Matbuot xizmati ma’lum qildi.
Qayd etilishicha, benzin importi o‘tgan yilning mos davriga nisbatan qariyb 3,2 barobarga ortgan.
O‘zbekiston avtomobil benzinini import qilgan asosiy davlatlar:
• Rossiya – 139 mln litr;
• Turkmaniston – 121 mln litr;
• Qozog‘iston – 16 mln litr;
• Iroq – 3,6 mln litr.
Ma’lumot o‘rnida, respublikada 8 oyda qariyb 730 ming tonna avtomobil benzini ishlab chiqarilgan.
Eslatib o‘tamiz, joriy yilning yanvar-iyul oylarida O‘zbekistonga qiymati 96,6 mln AQSH dollariga teng bo‘lgan 274,6 mln litr avtomobil benzini import qilingan.
Live
Barchasi