O‘zbek-qirg‘iz chegarasida o‘q uzildi
Olam
−
14 noyabr 2021
43734Qirg‘izistonning “Ala-Buka” chegara otryadi chegarachilari kontrabandachilar bilan to‘qnashuvda qurol ishlatdi. Bu haqda Qirg‘iziston Milliy xavfsizlik davlat qo‘mitasi chegara xizmati xabar berdi.
Qayd etilishicha, Aqsi rayonining Taza-Suv hududida harbiy xizmatchilar mayda shoxli hayvonlar podasini O‘zbekiston hududiga noqonuniy olib o‘tmoqchi bo‘lgan bir guruh shaxslarni – 50 ga yaqin Qirg‘iziston fuqarosini aniqlagan. Bu vaqtda chegaraning narigi tomonida kontrabandachilarning sheriklari kutib turishgan.
“Qonunbuzarlar chegarachilarning qoramollarni olib o‘tishni to‘xtatish to‘g‘risidagi talablarini e’tiborsiz qoldirgan. Chegaradan qo‘ylarni noqonuniy haydab o‘tishning oldini olish va mojaroning kuchayishiga yo‘l qo‘ymaslik maqsadida harbiy xizmatchilar qurol ishlatib, havoga uch marta ogohlantiruvchi o‘q uzgan.
Keyinroq o‘sha hududda chegarachilar Hyundai avtomobiliga 16 bosh qo‘yni O‘zbekistonga olib o‘tish uchun ortib ketayotgan qirg‘izistonlikni qo‘lga oldi”, deyiladi Chegara xizmati xabarida.
Departament ayni vaqtda Qirg‘iziston-O‘zbekiston davlat chegarasining mazkur uchastkasida vaziyat barqaror ekanligini ta’kidladi.
LiveBarchasi
07 noyabr 2023
07 noyabr 2023
07 noyabr 2023