Ukrainadagi mojaro xalqaro xavfsizlikka eng katta tahdid – Turkiya

O‘n oydan beri davom etayotgan Ukraina inqirozi xalqaro xavfsizlikka tahdidga aylandi. Turkiya Tashqi ishlar vaziri Mavlud Chavusho‘g‘li bugun, 29 dekabr kuni Anqarada jurnalistlarga bergan intervyusida Turkiya hukumati mojaro boshidanoq muvozanat siyosatini olib, uni bartaraf etishga harakat qilmoqda. 

“Bu yil Ukrainadagi urush mintaqa va dunyo xavfsizligi uchun eng katta muammoga aylandi. Turkiya bu masalada prinsipial va faol muvozanat siyosatini davom ettirmoqda”, deydi Chavusho‘g‘li.

U Turkiya rahbarining mojaroga barham berish uchun qilgan vositachilik sa’y-harakatlarini esga oldi.  

“Biz haqiqatni – haqiqat, yolg‘onni esa yolg‘on deymiz va boshidanoq tinchlikni ta’minlashga harakat qilmoqdamiz”,  deydi Turkiya TIV rahbari. 

Chavusho‘g‘lining so‘zlariga ko‘ra, Turkiya Qora dengiz bo‘g‘ozlari hududida navigatsiyani tartibga soluvchi Montryo konvensiyasi talablariga qat’iy amal qiladi. 

“Birlashgan Millatlar Tashkiloti bilan birgalikda u Istanbulda g‘alla bo‘yicha kelishuvga erishdi va uni uzaytirdi va shu orqali global oziq-ovqat inqirozini yengib o‘tishga hissa qo‘shdi”, deya qo‘shimcha qildi u.