Ukraina ikki frontda jangga tayyorlanmoqda – Kuleba
Olam
−
21 fevral 2023 11870
Ukraina Tashqi ishlar vaziri Dmitriy Kuleba mamlakat ikki frontda katta jangga tayyorlanayotganini aytdi. Bu haqda u mahalliy “TSN” telekanaliga ma’lum qildi.
Uning so‘zlariga ko‘ra, birinchi front diplomatik, ikkinchisi esa harbiy.
Shuningdek, u yaqin orada NATOning sharqiy qanoti davlatlari rahbarlarining uchrashuvi bo‘lib o‘tishini va unda ular Ukrainaga yordam ko‘rsatish bo‘yicha muhim qarorlar qabul qilinishi mumkinligini aytgan.
Vazir qanday qarorlar haqida gap ketayotganiga aniqlik kiritmagan.
“Endi bizga samarali yordam berayotgan barcha do‘stlarni maksimal darajada safarbar qilish kerak”, deydi u.
Eslatib o‘tamiz, Ukraina Prezidenti Vladimir Zelenskiy o‘tgan hafta Rossiya harbiylari allaqachon bir necha yo‘nalishdan hujum uyushtirayotganini aytgan edi.
Live
Barchasi
