Ukraina Gruziyadan Saakashvilini Kiyevga qaytarishni talab qildi

Avval xabar berganimizdek, Gruziyaning sobiq Prezidenti Mixail Saakashvili Tbilisi shahar sudida o‘zini Ukrainada dafn qilinishini istashini aytgan edi. Shundan so‘ng Ukraina tashqi ishlar vazirligi Gruziyaning sobiq prezidenti Mixail Saakashvilini Kiyevga qaytarishni talab qildi. Bu haqda Ukraina tashqi ishlar vazirligi o‘z veb-saytida ma’lum qildi.

“SSSR NKVD tashkilotning eng yomon an’analariga ko‘ra, Gruziya rasmiylari Mixail Saakashviliga qarshi psixologik va jismoniy zo‘ravonlik qilmoqda, u zudlik bilan tibbiy yordamga muhtoj”, deyiladi Ukraina TIV bayonotida.

Ukraina departamenti Gruziya hukumatini Saakashvilining huquqlarini qo‘pol ravishda buzishni to‘xtatishni va bu hozirda Gruziyada demokratiya qisqartirishini bildirayotganini ta’kidlagan.

“Biz Gruziya rasmiylarini Mixail Saakashvilini Ukrainaga topshirishga chaqiramiz. Siyosiy qasos olish uchun inson hayoti bilan o‘ynamang”, deyiladi bayonotda.

Shuningdek, Ukraina Tashqi ishlar vazirligi xorijiy hukumatlar va xalqaro tashkilotlarni siyosatchini ochiq himoya qilishga chaqirgan.

Ma’lumot uchun, sobiq prezident 2021 yil 1 oktyabrda Gruziyada hibsga olingan, unga nisbatan bir qancha jinoiy ishlar bo‘yicha tergov harakatlari olib borilmoqda. Siyosatchi bankir Sandro Girgvliani o‘ldirilishi va deputat Valeriy Gelashvilining kaltaklanish ishlari bo‘yicha sirtdan sudlangan. Birinchi holatda Saakashvili uch yilga, ikkinchisida olti yilga ozodlikdan mahrum etilgan. 

Bundan tashqari, u 2007 yil 7 noyabrdagi muxolifat mitingini tarqatish, “Imedi” telekompaniyasining vayron qilinishi va davlat byudjetidan mablag‘larni o‘g‘irlash ishlari bo‘yicha ayblangan. Bu ishlar hali ham sudlarda ko‘rib chiqilmoqda.