Uch nafar o‘zbekistonlik Qirg‘iziston chegarasida janjal ko‘tardi

Olam

−

01 avgust 2021 visibility26343 timer1 daqiqa

Qirg‘iziston chegarachilari va militsiya xodimlari ”Qadamjoy” nazorat-o‘tkazish punktida chegarani noqonuniy kesib o‘tmoqchi bo‘lgan uch nafar O‘zbekiston fuqarosini ushladi.

Qirg‘iziston Milliy xavfsizligi davlat qo‘mitasi Chegara xizmatining ma’lum qilishicha, o‘zbekistonlik ayollar chegaradan koronavirus yo‘qligi to‘g‘risidagi PZR-testni ko‘rsatmasdan o‘tmoqchi bo‘lgan. Tibbiyot xodimlari ularga mamlakatga kirishga ruxsat bermagan.

Ammo shunga qaramay, O‘zbekiston fuqarolari nazorat-o‘tkazish punktini buzib kirishga harakat qilishdi: ular o‘zini tajovuzkor tutishgan, xavfsizlik kuchlarining talablariga bo‘ysunishmagan va janjal keltirib chiqarishgan.

Chegara xizmati bunday urinishlar qonunbuzarliklarni javobgarlikka tortishgacha olib kelishini qo‘shimcha qilgan.

Maqola muallifi