Turkmanistonda Prezident saylovi tugadi

Turkmanistonda navbatdan tashqari prezidentlik saylovlari uchun saylov uchastkalari mahalliy vaqt bilan soat 19:00da yopildi. Bu haqda TASS xabar berdi.

Ovoz berish 07:00 da boshlandi. Mamlakat bo‘ylab 2577 ta saylov uchastkasi ochildi, 41 tasi respublika tashqarisida. Hammasi bo‘lib 3,4 milliondan ortiq saylovchi ro‘yxatga olingan. MSK ma’lumotlariga ko‘ra, saylovchilarning 97,11 foizi saylovda qatnashgan.

Respublika prezidentligi uchun to‘qqiz nomzod, jumladan, amaldagi Prezidentning o‘g‘li, Turkmaniston hukmron Demokratik partiyasidan nomzod, Vazirlar Mahkamasi raisi o‘rinbosari lavozimini egallab turgan Sardor Berdimuhamedov kurashmoqda. Saylov kodeksida saylovni o‘tgan deb e’lon qilish uchun saylovchilarning ishtirok etish chegarasi belgilanmagan. Ovozlarning yarmidan ko‘pini olgan nomzod Prezident etib saylangan hisoblanadi.

Muddatidan oldin ovoz berish 2 martdan 11 martgacha bo‘lib o‘tdi. MSK ma’lumotlariga ko‘ra, unda saylovchilarning 7,9 foizi ishtirok etgan.

Avvalroq Turkmanistonning amaldagi Prezidenti Gurbanguli Berdimuhamedov saylovda ovoz bergani xabar qilingandi.