Turkiyada avtobus ag‘darilib ketdi. Qurbonlar bor
Olam
−
07 yanvar 2023 4595 1 daqiqa
Turkiyada yo‘lovchi tashuvchi avtobus bilan sodir bo‘lgan YTH oqibatida besh kishi halok bo‘ldi. Bu haqda “TRT Haber” telekanali xabar berdi.
Qayd etilishicha, bugun, 7 yanvar kuni Turkiyaning janubi-sharqidagi Diyorbakir shahrida yo‘lovchi tashuvchi avtobus ag‘darilib ketgan. Oqibatda besh kishi halok bo‘lib, 22 kishi tan jarohati olgan.
“Avtohalokat mamlakatning janubi-sharqidagi Diyorbakir-Silvan magistral yo‘lining 65-kilometrida yuz bergan. Oqibatda 5 kishi, jumladan, bir bola halok bo‘ldi, 22 kishi jarohat oldi”, deyiladi xabarda.
Voqea joyiga ko‘plab tez yordam, qutqaruvchilar va politsiyachilar yuborilgan. Jabrlanganlar eng yaqin kasalxonalarga yetkazilgan.
Ozoda Choriyeva
Live
BarchasiNamanganda yana zilzila bo‘ldi
06 dekabr