Turkiya Rossiya zarbasidan keyin Suriya shimoliga zirhli texnika tashladi
Olam
−
20 avgust 2020
16849Turkiya Suriya shimoli-g‘arbiga 450 dan ortiq harbiy texnika tashladi. Ular qo‘shni Xatay provinsiyasidan kelgan. Bu haqda Suriya inson huquqlariga rioya etilishini monitoring qilish markazi (Syrian Observatory for Human Rights, SOHR) xabar berdi.
SOHR ma’lumotiga ko‘ra, harbiy konvoy zirxli texnika va og‘ir qurollardan iborat bo‘lgan. Turk texnikalari Rossiya Idlib viloyatiga aviazarba berganidan bir kun o‘tib keldi.
Ma’lumotlarga ko‘ra, 18 avgust kuni Rossiyaning Su-24M samolyoti Idlib shimolidagi jangarilari ob’ektlariga bir qancha zarba bergan. Rossiya Harbiy kosmik kuchlari “Hayat Tahrir ash-Shom” terrorchilik tashkiloti pozitsiyasiga zarba bergani aytilmoqda.
Ma’lumot uchun, mart oyi boshida Rossiya Prezidenti Vladimir Putin va Turkiya Prezidenti Rajab Toyib Erdo‘g‘an Idlibda o‘t ochishni to‘xtatishga kelishib olgandi. Tomonlar qo‘shimcha bayonnoma tuzib, M4 trassasida xavfsiz yo‘lak tashkil qilish va uni birgalikda patrul qilishga kelishgandi.
LiveBarchasi
07 noyabr 2023
07 noyabr 2023
07 noyabr 2023