Tramp o‘z kriptovalyutasini e’lon qildi

AQSHning saylangan prezidenti Donald Tramp o‘zining kriptovalyutasini yaratganini e’lon qildi. Bu haqda u Truth Social ijtimoiy tarmog‘ida yozib qoldirgan. 

“Mening yangi va rasmiy Tramp mem bu yerda! Biz tarafdor bo‘lgan hamma narsani nishonlash vaqti keldi. G‘alaba! Mening maxsus Tramp hamjamiyatimga qo‘shiling. Hoziroq oling”, deya yozgan u. 

OAV xabarlariga ko‘ra, kriptovalyuta hamjamiyati yangi mahsulotni ishtiyoq bilan kutib olgan, chunki token bilan savdo hajmi bu xabardan so‘ng 3 milliard dollardan oshgan. Tramp bugunning o‘zida 200 foizdan ortiq o‘sishni kuzatgan, kapitallashuv 2,7 milliard dollarga yetgan va eng yirik kriptovalyutalarning umumiy reytingida 58-o‘rinni egallagan.

Savdoning birinchi soatida Tramp kriptovalyutasi kapitallashuvi 3 milliard dollarga yetgan. Bir yarim soatdan keyin esa 4,3 milliard dollarga ko‘tarilgan.

Eslatib o‘tamiz, avvalroq joriy yilning 24 yanvar kunidan HMSTR/EUR savdo juftligi Bybit kripto birjasidan olib tashlanishi haqida xabar berilgandi. Platforma ma’muriyati bu qaror eng yaxshi savdo sharoitlarini ta’minlash va treyderlarni narxlarning keskin o‘zgaruvchanligidan himoya qilish uchun qabul qilinganligini tushuntirgan.