Tramp teleboshlovchini Pentagon rahbari etib tayinlamoqchi 

AQSHning saylangan prezidenti Donald Tramp “Fox News” telekanali boshlovchisi Pit Xegsetni AQSH Mudofaa vaziri lavozimiga nomzod qilib ko‘rsatdi. Bu haqda saylangan prezident jamoasining bayonotida so‘z boradi.

Xegset jangovar faxriy, Iroq va Afg‘onistonda xizmat qilgan. O‘zining podkastlaridan birida u Rossiya-Ukraina urushining boshlanishini “menga o‘z urushimni qaytarib bering” pritsipidagi Putinning urushi deb ta’riflagan. U ham Tramp kabi NATOning ayrim a’zolari o‘z mudofaasini ta’minlash uchun kamroq haq to‘lashi sababli alyansni tanqid qilgani ma’lum.

2020 yilda Eron inqilobi qo‘riqchilari korpusining maxsus kuchlari sobiq qo‘mondoni Qosim Sulaymoniyning o‘ldirilishiga javoban Eron Iroqdagi AQSH bazalariga ballistik raketalarni uchirgach, Xegset Trampni Eronning iqtisodiy ob’ektlari, shuningdek, madaniy ob’ektlarni yo‘q qilishga chaqirgan.

Endi Pentagon rahbari lavozimini egallash uchun unga 20 yanvar kuni Tramp inauguratsiyasidan keyin AQSH Senati (Kongressning yuqori palatasi) roziligi kerak bo‘ladi.

Eslatib o‘tamiz, oldinroq Tramp davlat kotibi lavozimiga senator Marko Rubioni nomzod qilib ko‘rsatishni rejalashtirayotgani xabar qilingandi.