Tramp rafiqasi tufayli Rossiyaga tahdid qila boshladi – kongressmen 

Amerikalik respublikachi kongressmen Don Bekon AQSH Prezidenti Donald Trampning Ukraina haqidagi ritorikasini o‘zgartirishga uning rafiqasi Melaniya yordam bergan, deb taxmin qildi. Bu haqda u “News Nation”telekanalining “The Hill Sunday” dasturiga bergan intervyusida so‘z ochdi.

“Xo‘sh, Prezident Ukrainaga nisbatan o‘z pozitsiyasini o‘zgartirganidan xursandman. Menimcha, buning uchun Melaniyaga rahmat aytishimiz kerak”, dedi Bekon 

Britaniyaning “The Times” nashri ham Melaniya Tramp turmush o‘rtog‘ining Kiyevga qurol yetkazib berishni qayta tiklash qaroriga ta’sir qilgani haqida xabar bergan. “The Times”ning yozishicha, Oq uyda milliy xavfsizlik bo‘yicha maslahatchilar va tashqi siyosat tahlilchilari ko‘p bo‘lishiga qaramay, AQSH Prezidentining rafiqasi fikri eng muhimi bo‘lishi mumkin.

“Tramp ma’lum bir masalalar bo‘yicha ba’zi odamlarni tinglaydi, ayniqsa, agar ular unga juda yaqin bo‘lsa yoki ularning familiyasi Tramp bo‘lsa”, deydi birinchi xonim haqidagi kitob muallifi Meri Jordan.

Shu bilan birga, o‘tgan hafta Vashington yaqinidagi Endryu harbiy bazasida jurnalistlar savollariga javob berar ekan, Trampning o‘zi rafiqasi Ukraina mojarosida neytral pozitsiyani egallashini aytdi. Oq uy rahbari uning pozitsiyasi Melaniya fikriga to‘g‘ri kelishini qo‘shimcha qildi.

14 iyul kuni Tramp Vashington Kiyevga qurol-yarog‘ va harbiy texnikani Yevropa bunday yetkazib berish uchun to‘lasa, o‘tkazishni davom ettirishga qaror qilganini ma’lum qildi. NATO bu jarayonni muvofiqlashtiradi.

CNN manbalariga tayanib, xabar berishicha, Qo‘shma Shtatlar Patriot tizimlaridan tashqari yaqin masofali raketalar va gaubitsalar uchun o‘q-dorilarni keyinchalik Ukrainaga yetkazib berish uchun NATO mamlakatlariga ham berishi mumkin.