Tramp Maskning tashkilotini muddatidan oldin tarqatib yubordi

SpaceX va Tesla asoschisi, milliarder Ilon Mask boshchiligidagi Hukumat samaradorligi departamenti (DOGE) vakolat muddati tugashiga sakkiz oy qolganida o‘z faoliyatini to‘xtatdi. Bu haqda “Reuters” tashkilotning xodimlarni boshqarish bo‘yicha direktori Skott Kuporga tayanib xabar berdi.

“U mavjud emas”, dedi Kupor DOGE maqomi haqida so‘ralganda va u endi “markazlashtirilgan tuzilma” emasligini qo‘shimcha qilib.

Agentlikka ko‘ra, Xodimlarni boshqarish boshqarmasi (federal hukumatning inson resurslari agentligi) DOGE’ning ko‘plab funksiyalarini o‘z zimmasiga olgan. DOGE’ning ikki “taniqli” xodimi hozirda avgust oyida Trampning buyrug‘i bilan yaratilgan va hukumat veb-saytlariga “chiroy berish” topshirilgan Milliy dizayn studiyasida ishlaydi.

“Reuters”ning ta’kidlashicha, bu Tramp ma’muriyatining DOGE halokati haqidagi birinchi ommaviy izohidir, vaholanki, yozdan beri Prezident va uning jamoasi bu bo‘lim endi amalda yo‘qligini ochiq aytmoqda. Ayni paytda Tramp o‘z muddatining boshida DOGE 2026 yilning iyuligacha amalda bo‘lishini ko‘zda tutuvchi farmonni imzoladi.

Hukumat samaradorligi departamenti (DOGE) Donald Tramp 2025 yil 20 yanvarda lavozimga kirishganidan so‘ng o‘z faoliyatini boshladi. U Amerika hukumati xarajatlarini ko‘rib chiqish va samaradorligini oshirish organi sifatida yaratilgan. DOGE’ni boshqargan Ilon Mask uni “byurokratiya uchun zanjir” deb atadi va uni ijtimoiy tarmoqlarida faol ravishda targ‘ib qildi.

Departamentning ishi oxir-oqibat yuzlab davlat xizmatchilarining ishdan bo‘shatilishiga olib keldi. Agentliklar, shuningdek, “Politico”, “The Associated Press” va “The New York Times” kabi liberal ommaviy axborot vositalariga obunani bekor qildi. DOGE davlat xarajatlarini o‘nlab milliard dollarga qisqartirganini da’vo qildi, ammo tashqi moliyaviy ekspertlar buni tasdiqlamaydi, chunki departament o‘z faoliyati to‘g‘risida jamoatchilikka batafsil hisobot taqdim eta olmadi.

Eslatib o‘tamiz, avvalroq Oq uy rahbari Nyu-Jersidagi golf klubidan Vashingtonga ketayotganida jurnalistlarga o‘zining sobiq ittifoqchisi, milliarder Ilon Mask aqldan ozganini iddao qilgandi.