Tramp isroillik ko‘chmanchilarga nisbatan sanksiyalarni bekor qildi

AQSH Prezidenti Donald Tramp sobiq prezident Jo Bayden ma’muriyati tomonidan G‘arbiy Sohildagi isroillik ko‘chmanchilarga qarshi joriy etilgan sanksiyalar buйруғини bekor qildi. Bu haqda kecha, 20 yanvar kuni Oq uy matbuot xizmati ma’lum qildi.

Tramp o‘zidan oldingi prezident Jo Baydenning 2024 yil fevral oyida Isroil 1967 yildan beri bosib olgan G‘arbiy Sohildagi shahar va aholi punktlarida falastinliklarga nisbatan zo‘ravonlik sodir etganlikda ayblangan ko‘chmanchilar va guruhlarni belgilashga yo‘l ochgan buyrug‘ini bekor qildi.

Baydenning harakatlari G‘aznachilik va Davlat departamentlariga bir necha shaxs va guruhlarni, jumladan, Falastin ma’muriyatining Huvara shahridagi tartibsizliklarni uyushtirganlikda ayblangan, falastinliklarning uylariga o‘t qo‘yilgani va bir fuqaroning o‘ldirilganini ko‘rgan odamni ajratib ko‘rsatishga yo‘l ochdi.

Bu chora Tramp Oq uyga qaytgan birinchi kunida imzolagan o‘nlab ijro farmoyishlari qatoriga kirdi.

Tramp Isroil va HAMAS o‘rtasida o‘t ochishni to‘xtatish kelishuvining ikkinchi kunida sanksiyalarni bekor qildi, bu muddat davomida 90 nafar falastinlik asir evaziga G‘azodan uch nafar garovga olingan isroillik qaytarildi.