Tramp Fors ko‘rfazi nomini ham o‘zgartirmoqchi

AQSH Prezidenti Donald Tramp Qo‘shma Shtatlarda til me’yori o‘zgarishini e’lon qilib, Fors ko‘rfazini Arab ko‘rfazi deb atashni taklif qilmoqchi. Bu haqda hukumatdagi  manbalariga tayanib, “Associated Press” agentligiga xabar berdi.

Ularga ko‘ra, Tramp o‘z qarorini Saudiya Arabistoniga tashrifi chog‘ida taqdim etishni rejalashtirgan. Arab davlatlarining o‘zlari toponim nomini o‘zgartirishga qaror qilishda turib olishadi.

Bu Oq uy egasining birinchi marta geografik nomni o‘zgartirishi emas. Yanvar oyi oxirida Tramp Meksika ko‘rfazining nomini Amerika ko‘rfaziga o‘zgartirish to‘g‘risidagi farmon chiqardi. Birlashgan Millatlar Tashkiloti ushbu masala bo‘yicha geografik ob’ektlar nomini o‘zgartirish har qanday alohida davlatning vakolati emasligini ta’kidladi.

Oq uy Tramp 13-16 may kunlari Yaqin Sharqqa safar qilishi va Saudiya Arabistoni, Qatar va BAAga tashrif buyurishini ma’lum qilgandi. “Axios” portalining yozishicha, Amerika yetakchisi Saudiya Arabistonida bo‘lishi davomida davlat rahbarlari bilan uchrashuv o‘tkazish niyatida. Tadbirlarda Saudiya Arabistonidan tashqari Bahrayn, Qatar, Quvayt, BAA va Ummonni o‘z ichiga olgan Fors ko‘rfazi hamkorlik kengashiga a’zo davlatlar rahbarlari ishtirok etishi mumkin. Uchrashuv 14 may kuni bo‘lib o‘tishi kutilmoqda.