Tramp bugungi muzokaralardan so‘ng Putinga sim qoqmoqchi

AQSH Prezidenti Donald Tramp bugun, 18 avgust kuni Oq uyda Yevropa yetakchilari va Ukraina Prezidenti Vladimir Zelenskiy bilan o‘tkazgan muzokaralaridan so‘ng Rossiya Prezidenti Vladimir Putinga qo‘ng‘iroq qilishni rejalashtirayotganini aytdi.

“U bu uchrashuvni yakunlaganimizda mening qo‘ng‘iroqimni kutmoqda”, dedi Tramp.

U suhbat davomida o‘zi, Putin va Zelenskiy o‘rtasida uch tomonlama uchrashuv o‘tkazish g‘oyasini ko‘tarishini aytdi.

“Bizda trilat (uch davlat hamkorligi) bo‘lishi, yoki bo‘lmasligi mumkin. Agar bizda trilat bo‘lmasa, u holda jang davom etadi, agar bizda trilat bo‘lsa, ehtimol urushni tugatish uchun yaxshi imkoniyat bor”, dedi Tramp.

Tramp Ukraina Prezidenti mamlakati Rossiya bilan ziddiyat tugagach, prezidentlik saylovlarini o‘tkazishga tayyorligini aytganidan so‘ng urush vaqtida saylovlar o‘tkazilmasligi haqida kinoya qildi.

Zelenskiy Oval kabinetda jurnalistlarga qarama-qarshilik davom etayotgan paytda saylov o‘tkazish mumkin emasligini aytdi, bu haqda u avvalroq ochiq aytgan.

“Bizga hamma joyda – jang maydonida, osmonda va dengizda sulh kerak, shunda demokratik, ochiq va qonuniy saylovlar o‘tkazilishi mumkin”, dedi Zelenskiy.

Keyin Tramp qo‘shimcha qildiki: Uch yarim yildan so‘ng agar biz kim bilandir urushib qolgan bo‘lsak, boshqa saylovlar bo‘lmaydimi? Ana shunda Trampning ikkinchi muddati tugaydi.

“O, bu yaxshi”, dedi Tramp.

Prezident Donald Tramp Ukraina Prezidenti Vladimir Zelenskiy va Yevropa yetakchilari bilan bugungi uchrashuvlar qanday bo‘lishidan qat’i nazar, Amerikaning Ukrainani qo‘llab-quvvatlashi saqlanib qolishini aytdi.

Jurnalist Trampdan “Amerikaning Ukrainani qo‘llab-quvvatlash yo‘li shu bilan tugaydimi”, deb so‘radi. 

“Men buni hech qachon ayta olmayman. Bu hech qachon yo‘lning oxiri emas. Odamlar o‘ldirilmoqda va biz buni to‘xtatmoqchimiz. Shuning uchun men bu yo‘lning oxiri, deb aytmayman”, deb javob berdi Tramp.

Prezident Vladimir Zelenskiy Ukraina Rossiya urushini tugatish uchun “diplomatik yo‘l” topishga tayyorligini aytib, Kiyev Moskva va Vashington bilan uch tomonlama uchrashuv o‘tkazishni xohlayotganini yana bir bor ta’kidladi.

Ukraina tinchlik kelishuvida “xaritalarni qayta chizishga” yoki “Ukraina qo‘shinlarini yana bir necha yil o‘ldirilishiga rozi bo‘lish”ga tayyormi degan savolga Zelenskiy to‘g‘ridan-to‘g‘ri javob bermadi, biroq Tramp ma’muriyatining urushni to‘xtatish borasidagi sa’y-harakatlarini olqishladi.

Zelenskiy Ukraina har kuni rus hujumlari bilan yashashi kerakligini aytdi va Rossiyaning bir kechada Xarkovga qilgan halokatli zarbasiga ishora qildi.

“Biz bu urushni, Rossiyani to‘xtatishimiz kerak. Bizga amerika va yevropalik sheriklarimiz tomonidan yordam kerak. Biz Qo‘shma Shtatlarning - shaxsan Prezident Trampning bu urushni to‘xtatish, uni diplomatik yo‘l bilan tugatish g‘oyasini qo‘llab-quvvatladik”, dedi u.

Zelenskiy Tramp va Putin o‘rtasidagi uch tomonlama sammitga o‘zining tayyorligini bildirdi. Tramp ham bugungi  muzokaralardan so‘ng tez orada uch tomonlama sammit o‘tkazishdan manfaatdor ekanini qayd etgan, Putin esa bu borada o‘ylab ko‘radi.

Urush va tinchlik bo‘yicha qizg‘in munozaralar chog‘ida ayni paytda Oval kabinetda Ukraina Prezidenti Vladimir Zelenskiyning qora kostyumni tanlaganini jurnalist va Prezident Donald Tramp ta’kidlaganida yengil kulgu eshitildi.

Fevral oyida Oq uyga tashrifi chog‘ida Zelenskiyning kiyim tanlashiga shubha qilgan “Real American Voice” muxbiri Brayan Glenn: “Siz bu kostyumda ajoyib ko‘rinasiz”, dedi.

“Men ham xuddi shunday dedim”, deb xitob qildi Tramp.

“Siz bir xil kostyumdasiz”, dedi Zelenskiy Glennga. “Men o‘zgartirdim, siz esa o‘zgartirmagansiz."

Zelenskiyning libosi AQSH va Ukraina rasmiylari o‘rtasida muhokama qilingan, dedi yevropalik rasmiy Zelenskiy o‘zining odatdagi yashil harbiy ko‘ylagida kelmaganini ta’kidlagan holda. Zelenskiy fevral oyida Oq uyga harbiy kiyimda kelganida Tramp norozi bo‘lib, u “barcha kiyinib olgan” deb kinoya qilgandi.