Трамп бугунги музокаралардан сўнг Путинга сим қоқмоқчи

АҚШ Президенти Дональд Трамп бугун, 18 август куни Оқ уйда Европа етакчилари ва Украина Президенти Владимир Зеленский билан ўтказган музокараларидан сўнг Россия Президенти Владимир Путинга қўнғироқ қилишни режалаштираётганини айтди.

“У бу учрашувни якунлаганимизда менинг қўнғироқимни кутмоқда”, деди Трамп.

У суҳбат давомида ўзи, Путин ва Зеленский ўртасида уч томонлама учрашув ўтказиш ғоясини кўтаришини айтди.

“Бизда трилат (уч давлат ҳамкорлиги) бўлиши, ёки бўлмаслиги мумкин. Агар бизда трилат бўлмаса, у ҳолда жанг давом этади, агар бизда трилат бўлса, эҳтимол урушни тугатиш учун яхши имконият бор”, деди Трамп.

Трамп Украина Президенти мамлакати Россия билан зиддият тугагач, президентлик сайловларини ўтказишга тайёрлигини айтганидан сўнг уруш вақтида сайловлар ўтказилмаслиги ҳақида киноя қилди.

Зеленский Овал кабинетда журналистларга қарама-қаршилик давом этаётган пайтда сайлов ўтказиш мумкин эмаслигини айтди, бу ҳақда у аввалроқ очиқ айтган.

“Бизга ҳамма жойда – жанг майдонида, осмонда ва денгизда сулҳ керак, шунда демократик, очиқ ва қонуний сайловлар ўтказилиши мумкин”, деди Зеленский.

Кейин Трамп қўшимча қилдики: Уч ярим йилдан сўнг агар биз ким биландир урушиб қолган бўлсак, бошқа сайловлар бўлмайдими? Ана шунда Трампнинг иккинчи муддати тугайди.

“О, бу яхши”, деди Трамп.

Президент Дональд Трамп Украина Президенти Владимир Зеленский ва Европа етакчилари билан бугунги учрашувлар қандай бўлишидан қатъи назар, Американинг Украинани қўллаб-қувватлаши сақланиб қолишини айтди.

Журналист Трампдан “Американинг Украинани қўллаб-қувватлаш йўли шу билан тугайдими”, деб сўради. 

“Мен буни ҳеч қачон айта олмайман. Бу ҳеч қачон йўлнинг охири эмас. Одамлар ўлдирилмоқда ва биз буни тўхтатмоқчимиз. Шунинг учун мен бу йўлнинг охири, деб айтмайман”, деб жавоб берди Трамп.

Президент Владимир Зеленский Украина Россия урушини тугатиш учун “дипломатик йўл” топишга тайёрлигини айтиб, Киев Москва ва Вашингтон билан уч томонлама учрашув ўтказишни хоҳлаётганини яна бир бор таъкидлади.

Украина тинчлик келишувида “хариталарни қайта чизишга” ёки “Украина қўшинларини яна бир неча йил ўлдирилишига рози бўлиш”га тайёрми деган саволга Зеленский тўғридан-тўғри жавоб бермади, бироқ Трамп маъмуриятининг урушни тўхтатиш борасидаги саъй-ҳаракатларини олқишлади.

Зеленский Украина ҳар куни рус ҳужумлари билан яшаши кераклигини айтди ва Россиянинг бир кечада Харьковга қилган ҳалокатли зарбасига ишора қилди.

“Биз бу урушни, Россияни тўхтатишимиз керак. Бизга америка ва европалик шерикларимиз томонидан ёрдам керак. Биз Қўшма Штатларнинг - шахсан Президент Трампнинг бу урушни тўхтатиш, уни дипломатик йўл билан тугатиш ғоясини қўллаб-қувватладик”, деди у.

Зеленский Трамп ва Путин ўртасидаги уч томонлама саммитга ўзининг тайёрлигини билдирди. Трамп ҳам бугунги  музокаралардан сўнг тез орада уч томонлама саммит ўтказишдан манфаатдор эканини қайд этган, Путин эса бу борада ўйлаб кўради.

Уруш ва тинчлик бўйича қизғин мунозаралар чоғида айни пайтда Овал кабинетда Украина Президенти Владимир Зеленскийнинг қора костюмни танлаганини журналист ва Президент Доналд Трамп таъкидлаганида енгил кулгу эшитилди.

Февраль ойида Оқ уйга ташрифи чоғида Зеленскийнинг кийим танлашига шубҳа қилган “Real American Voice” мухбири Браян Гленн: “Сиз бу костюмда ажойиб кўринасиз”, деди.

“Мен ҳам худди шундай дедим”, деб хитоб қилди Трамп.

“Сиз бир хил костюмдасиз”, деди Зеленский Гленнга. “Мен ўзгартирдим, сиз эса ўзгартирмагансиз."

Зеленскийнинг либоси АҚШ ва Украина расмийлари ўртасида муҳокама қилинган, деди европалик расмий Зеленский ўзининг одатдаги яшил ҳарбий кўйлагида келмаганини таъкидлаган ҳолда. Зеленский февраль ойида Оқ уйга ҳарбий кийимда келганида Трамп норози бўлиб, у “барча кийиниб олган” деб киноя қилганди.