Toshkentning ayrim hududlari gazsiz qoladi
Jamiyat
−
15 aprel 2023 5632
Poytaxt Toshkentning Mirzo Ulug‘bek tumanidagi ayrim joylarda tabiiy gaz ta’minoti vaqtinchalik to‘xtatiladi. Bu haqda “Hududgaz Poytaxt” gaz ta’minoti filiali matbuot xizmati xabar berdi.
Keltirilishicha, tumanning “Amir Temur” mahallasi, O‘rta Osiyo trans ko‘chasida joylashgan yer usti D-76 millimetrli o‘rta bosim gaz quvurini xavfsiz joyga ko‘chirish ishlarini amalga oshirish rejalashtirilgan.
Shu tufayli joriy yilning 17 aprel kuni soat 11:00 dan 17:00 ga qadar O‘rta Osiyo trans 1-2-3-4 tor ko‘chalarida joylashgan jami 68 ta uy xo‘jaliklarida hamda hududdagi 7 ta ulgurji iste’molchilarida tabiiy gaz ta’minoti vaqtinchalik to‘xtatiladi.
“Ta’mirlash ishlari yakunlangach, tabiiy gaz ta’minoti qayta tiklanadi. Yetkazilayotgan noqulayliklar uchun iste’molchilardan uzr so‘raymiz”, deyiladi xabarda.
Live
Barchasi
