Toshkentdagi “dom”lardan birida yong‘in chiqdi
3-sahifa
−
12 mart 2000
Toshkent shahar Yakkasaroy tumanidagi xonadonlardan birida yong‘in chiqdi. Bu haqda poytaxt Favqulodda vaziyatlar boshqarmasi xabar berdi.
Qayd etilishicha, bugun, 12 mart kuni soat 17:42 da Toshkent shahar Yakkasaroy tumani, Qushbegi dahasida joylashgan ko‘p qavatli uylarning biridagi xonadonda yong‘in sodir bo‘layotgani to‘g‘risida Toshkent shahar FVBga xabar tushgan.
Shunga ko‘ra, yong‘in-qutqaruv ekipajlari aytilgan manzilga soat 17:48 da yetib borib, yong‘in soat 17:57 da o‘chirilgan.
Bildirilishicha, yong‘in oqibatida halok bo‘lgan va jabrlanganlar yo‘q. Hozirda yong‘in sababi va keltirilgan moddiy zarar aniqlanmoqda.
Eslatib o‘tamiz, avvalroq Navoiy viloyati Navoiy shahri Navoiy ko‘chasida joylashgan “Navoiy azot” aksiyadorlik jamiyatining 25-sexi laboratoriyasida gaz-havo aralashmasining chaqnashi hodisasi oqibatida bir kishi halok bo‘lgan edi.
Live
Barchasi
