Toshkentdagi ayrim ko‘chalar vaqtincha yopildi

Toshkent shahrining ayrim ko‘chalarida avtomobillar harakati vaqtincha to‘xtatiladi. Bu haqda Toshkent shahar IIBB ma’lum qildi. 

Qayd etilishicha, 24 noyabrdan 4 dekabrgacha Yangi O‘zbekiston “Olimpiya cho‘qqilari” sport musobaqalarining Respublika final (uchinchi) bosqichi – “Prezident Olimpiadasi” o‘tkazilishi munosabati bilan vaqtincha avtomobillar harakati cheklanadi. 

Quyidagi yo‘nalishlarda avtoulovlar harakati vaqtincha to‘xtatiladi:

• “Yangi O‘zbekiston” ko‘chasidan yangi mehmonxonalar tomon harakatlanish (“Yangi O‘zbekiston bog‘i” chegarasi bo‘ylab);
• Milliy bog‘ ko‘chasidan yangi mehmonxonalar tomon harakatlanish.

Cheklovlar barcha avtoulovlarga taalluqli bo‘lib, faqat maxsus transport vositalari bundan mustasno.

Eslatib o‘tamiz, 21 noyabrdan 24 noyabrgacha Toshkentdagi Kichik halqa avtomobil yo‘lida ta’mirlash ishlari olib borilishi sababli Beshqayrag‘och ko‘chasidan Foziltepa ko‘chasigacha bo‘lgan yo‘l qismida bir tomonlama harakat cheklangandi.

Komila Qobilova