Toshkentda YPX mashinasi yonib ketdi
3-sahifa
−
19 avgust 2022 11227
Ijtimoiy tarmoqlarda Toshkent shahar Chilonzor tumani Novza metro bekati yaqinida yo‘l-patrul xizmati xodimi avtomobili yonib ketgani aks etgan video tarqaldi. Ushbu holat yuzasidan Toshkent shahar Ichki ishlar bosh boshqarmasi Yo‘l harakati xavfsizligi boshqarmasi izoh berdi.
Qayd etilishicha, hodisa joriy yilning 19 avgust kuni soat 12:20 atrofida Chilonzor tumani Bunyodkor shox ko‘chasida sodir bo‘lgan.
Toshkent shahar IIBB YHXB YPX inspektori safdor M.X. Lacetti'da harakatlanib ketayotgan vaqtida avtomobilning dvigatel qismida elektr simlarining qisqa tutashuvi oqibatida yong‘in sodir bo‘lgan. Ushbu yong‘in tezkorlik bilan bartaraf etilgan, tan jarohat olganlar yo‘q.
Ushbu holat yuzasidan FVV Chilonzor tumani bo‘limi tomonidan surishtiruv harakatlari olib borilmoqda.
Live
Barchasi