Toshkentda yangi qurilayotgan 5 qavatli binoda yong‘in chiqdi

3-sahifa 5180
image

Bugun, 10 avgust kuni Toshkent shahar Chilonzor tumanidagi yangi qurilayotgan binoda yong‘in sodir bo‘ldi. Bu haqda Favqulodda vaziyatlar vazirligi Matbuot xizmati xabar berdi.

Qayd etilishicha, soat 19:37 da Chilonzor tumani Beshyog‘och ko‘chasida joylashgan yangi qurilayotgan 5 qavatli binoning 4 qavatida yong‘in kelib chiqqani haqida shahar FVBga xabar kelib tushgan.

Shunga ko‘ra, 6 ta yong‘in-qutqaruv ekipaji soat 19:42 da voqea joyiga yetib borib, yong‘in soat 20:30 da qurshab olingan va soat 20:39 da to‘liq o‘chirilgan.

Hodisa oqibatida tan jarohati olgan yoki halok bo‘lganlar yo‘q.

“Hozirda yong‘inning kelib chiqish sababi va keltirilgan moddiy zarar miqdori aniqlanmoqda”, deyiladi xabarda.

Yulduz Abdurashidova
Maqolaga baho bering
Baholaganlar: 117
Reyting: 3
t
×