Toshkentda yana avtobus haydovchilari yo‘lovchi talashib janjallashdi

Ijtimoiy tarmoqlarda Toshkent shahri Mirobod tumani Farg‘ona yo‘li ko‘chasida avtobus haydovchilari o‘zaro janjallashgani aks etgan video tarqaldi. Holat yuzasidan Toshkent shahar Ichki ishlar bosh boshqarmasi munosabat bildirdi.

Qayd etilishicha, holat Mirobod tuman ichki ishlar organi tomonidan o‘rganilgan. Ma’lum bo‘lishicha, 93- va 617-sonli avtobus haydovchisi harakat vaqtida bir-biri bilan yo‘lovchi talashib o‘zaro janjalashgan. Janjal oqibatida hech kim tan jarohati olmagan.

Ularga nisbatan Mirobod tuman Ichki ishlar organlari faoliyatini muvofiqlashtirish boshqarmasi tomonidan Ma’muriy javobgarlik to‘g‘risidagi kodeksning 183-moddasi bilan chora ko‘rilgan.

Eslatib o‘tamiz, joriy yilning 28 fevral kuni Toshkent shahar Yashnobod tumanida avtobus haydovchilari yo‘l va yo‘lovchi talashib janjallashgan edi. https://qalampir.uz/news/toshkentda-avtobus-haydovchilari-yul-talashib-zhanzhallashdi-video-78142 Buning oqibatida haydovchilarga nisbatan 7 sutkadan ma’muriy qamoq jazosi tayinlangan edi.