Toshkentda uch avtomobil ishtirokida dahshatli YTH sodir bo‘ldi

Poytaxt Toshkentning Chilonzor tumanida uch avtomobil ishtirokida mudhish yo‘l-transport hodisasi sodir bo‘ldi. YTHda qurbon bo‘lganlar yo‘qv, haydovchilardan biri jarohat oldi. Avtomobillar esa tanib bo‘lmaydigan daraja kelib qolgan. 

YTH bugun, 14 dekabr kuni soat 15:00 atrofida Chilonzor  tumani Bunyodkor shoh ko‘chasi Novza jome masjidi qarshisida sodir bo‘lgan.

Unda haydovchilar; 

•    2003 yilda tug‘ilgan  Sh.S. boshqaruvidagi davlat raqam belgisi 01 E 444 NA bo‘lgan Nexia-3 rusumli transport vositasi;

•    1972 yilda tug‘ilgan Sh.X. boshqaruvidagi davlat raqam belgisi 01 F 556 LB bo‘lgan Lacetti rusumli transport vositasi;

•    1990 yilda tug‘ilgan J.X. boshqaruvidagi davlat raqam belgisi 01 L 258 FB bo‘lgan Labo rusumli transport vositalari ishtirokida yo‘l-transport hodisasi sodir bo‘lgan.

Yo‘l-transport hodisalari oqibatida Lacetti rusumli transport vositasi haydovchisi Sh.X. tan jarohati olgan. 

Holat yuzasidan Toshkent shahar IIBB YHXB tomonidan surishtiruv ishlari amalga oshirilmoqda.