Тошкентда уч автомобиль иштирокида даҳшатли ЙТҲ содир бўлди

Пойтахт Тошкентнинг Чилонзор туманида уч автомобиль иштирокида мудҳиш йўл-транспорт ҳодисаси содир бўлди. ЙТҲда қурбон бўлганлар йўқв, ҳайдовчилардан бири жароҳат олди. Автомобиллар эса таниб бўлмайдиган даража келиб қолган. 

ЙТҲ бугун, 14 декабрь куни соат 15:00 атрофида Чилонзор  тумани Бунёдкор шоҳ кўчаси Новза жоме масжиди қаршисида содир бўлган.

Унда ҳайдовчилар; 

•    2003 йилда туғилган  Ш.С. бошқарувидаги давлат рақам белгиси 01 E 444 NA бўлган Nexia-3 русумли транспорт воситаси;

•    1972 йилда туғилган Ш.Х. бошқарувидаги давлат рақам белгиси 01 F 556 LB бўлган Lacetti русумли транспорт воситаси;

•    1990 йилда туғилган Ж.Х. бошқарувидаги давлат рақам белгиси 01 L 258 FB бўлган Labo русумли транспорт воситалари иштирокида йўл-транспорт ҳодисаси содир бўлган.

Йўл-транспорт ҳодисалари оқибатида Lacetti русумли транспорт воситаси ҳайдовчиси Ш.Х. тан жароҳати олган. 

Ҳолат юзасидан Тошкент шаҳар ИИББ ЙҲХБ томонидан суриштирув ишлари амалга оширилмоқда.