Toshkentda omborxona yonib ketdi
3-sahifa
−
17 yanvar 2022 4403
Toshkent shahri Olmazor tumanida omborxona yonib ketdi. Bu haqda Favqulodda vaziyatlar vazirligi Matbuot xizmati xabar berdi.
Qayd etilishicha, hodisa bugun, 17 yanvar kuni soat 10:49 da Usta shirin ko‘chasida joylashgan omborxonada sodir bo‘lgan. Yong‘in bo‘layotgani haqida tuman FVBga xabar kelib tushgan. Shunga ko‘ra, 6 ta yong‘in-qutqaruv ekipaji voqea joyiga soat 10:54 da yetib borgan va 11:54 da yong‘in o‘chirilgan.
Hodisa oqibatida omborxonaning taxminan 350 kvadrat metr maydonida tomi, shifti va ichki qismi yonib zararlangan. Jabrlangan va halok bo‘lganlar yo‘q.
Hozirda yong‘inning kelib chiqish sababi va moddiy zarar miqdori aniqlanmoqda.
Live
Barchasi